Auñamendi Eusko Entziklopedia
Bernardo Estornés Lasa Fondoa

Hezkuntza gertakarien konplexutasunak eta beroiek testuinguru zehatz batean aztertu behar izateak ikerketa bera eta horri dagozkion ikuspegiak ugariak izatea eskatzen dute. Xedea ez da hezkuntzarekin lotutako gertaera, erakunde, pertsonai eta pasarteen zerrenda luzea eskaintzea, aitizitk Euskal Herriko hezkuntzari buruz sumatzen diren hutsune eta gabeziak argitzea alegia.

Zentzu horretan bi kontu azpimarratu beharra dago: bata, lurralde eremuari dagokio eta, bestea, denborari. Euskal Herriaz arituko gara, bere osotasunean, eta gogoetak azken berrehun urteotara mugatzen dira.

Armentia ikastola izango zena martxan jartzeko lehen erabakia, Iruñean hartu zen Ikastolen II. Batzar Nazionalekoa da. Hortik abiatzen da ikastolen taldearen irizpideen arabera Gasteizen ikastola berri bat eraikitzeko lehen asmoa. Errioxa eta Aiaran oso inplikatuak agertu ziren hasieratik ikastola horietako eragileek proiektu honekin aurrera egiteko, eta lehen aipamenak 1989-1990 urteetan jarri ziren Arabako Ikastolen Federazioan (AIF).

Gasteizen, 1992-1993 ikasturtean Armentia Ikastola hasi zen. Aurreko hilabeteetan, Arabako eta Euskal Herriko hainbat gizarte eraginarekin izandako harremanen ostean, era bateko eta besteko erantzunak bitarte zirela, ikastolen munduko teknikari, guraso eta irakasle talde txiki batek aurrera egin zuen "Oblatas" egoitzan ikastola berria egiteko proiektuarekin.