Euskal kantutegia

BEREZKO TESTUA

1.Bedeinkatua, alabatua
Aldareko Sakramentua:
pekatuaren mantxarik gabe
zeña dan kontzebitua.

2.Hau haiziaren epela!
Airian dabil orbela;
etxe hontako jende leyalak,
gabon Jainkuak diyela.

3.Zapata txuri paperez;
euri denian baterez;
Nagusi Jauna, esan bizaigu
hasiko geran edo ez.

4.Gizon txiki bat golbero;
deitzen diote barbero;
lizentziyarik izan ezpalitz
esan ziguten gaurgero.

5.Lezo ta Errenteriya;
irugarrena Oiartzun;
nere lagunak, Dios te salve
garbuarekin erantzun.

Korua:
Dios te salve! Ongi etorri!
Gabon Jainkuak diyela!
Legiarekin konpli dezagun
Urteberriren sarrera.
-----------------------------------------
1.Urteberriren bezpera da ta
eskian gatoz atera,
Ama Birjinan Seme garbiya
dijualako pontera.

2.Horroko hor goyan ermita,
San Gregorio deritza;
hango prailiak agindu eta
limosna biltzen gabiltza.

3.Esku txuritan papera;
mayian urrez platera;
lotsa gogorrez heldu gerade
Jauna, berorren atera.

4.Horroko hor goyan izarra;
errekaldian lizarra;
etxe ontako Nagusi Jaunak
urre gorriz du bizarra.

5.Urre gorrizko bizarra eta
zilar zurizko espalda;
errial bikoz egiña dauka,
elizarako galtzara.

6.Horroko hor goyan elorri,
onduan jo-ta-erori;
etxe hontako Nagusi Jaunak
erregidore dirudi.

7.Nagusi Jauna, barkatu
ezbanaz ongi mintzatu;
zure lizentziyarekin nai dut
Etxeko Andria koplatu.

8.Etxeko Andre zabala,
toki oneko alaba;
birian nator informaturik
emaile ona zerala.

9.Horroko hor goyan errota,
iriña dago iyo-ta;
etxe hontako etxeko Andria
Ama Birjiñan debota.

10.Horroko hor goyan oilo bi,
batek bestia iduri;
etxe hontako etxeko Andriak
Ama Birjiña diruri.

11.Horroko hor goyan antzara;
Etxeko seme non zara?
Gu zuregana etorri eta
inon ageri ez zara.

12.Etxeko Alaba non zara?
Iñon ageri ez zara...
Lau galai gazte ba'ditut eta
Jarriko dizut aukera;
neroni ere gayian nago
baldin gustatzen-ba-zara.

14.Horroko hor goyan otia,
guziya lorez betia;
Etxe hontako alabatxuak
kutxan daduka dotia.

15.Horroko haor goyanantzara;
Joxepantoni, non zara?
Mundu guziya ezkondu eta
zu zertako in ez zara?

16.Ari nazela, ari nazela
nekatu zaizkit ezpañak;
etxe hontatik espero ditut
errial bi ta gaztañak.

17.Emango bauzu emazu,
bestela ezetz esazu;
ate-onduan hotzak hiltzera
amak ez gaitu bialdu.

18.Eskupekua hartu degu ta
orain abia gaitian;
adiosikan ez degu eta
agur urrengo artian."