Konposatzaileak

Gonzalez Garcia de Acilu, Agustin

Metalurgiako familia batean hezitako konpositore nafarra. Musika munduan bere kabuz sartu zen. 1929ko otsailaren 18an jaio zen Altsasun eta hamabi urterekin orduan herriko organista zen Luis Tabernak eman zizkion klaseak.



Jasotako sarien artean aipatzekoak dira: Samuel Ros (1962), Sucesiones superpuestas kuartetoarengatik emana; Aschermittwoch lanagatik 1967-8 denboraldiko estreinaldi hoberenaren accesita; Musika Sari Nazionala (1971) Oratorio panlinguistiko lanarengatik; Musika Sari Nazionala (Konposizioa) (1998). Prix Italia (1971) eta UNESCOren Konpositoreen tribunan, Espainiako Irrati Nazionalaren ordezkaria izan zen.

Gerra zibila ondoren jaioterriko Musika Bandan sartu zen, denbora batez bere jarduera gelditu eta postu batzuk bete beharra zuena. Klarinetea eta saxofoia jo zituen. 1950ean soldadutza egin zuen eta sei urtez Banda militarreko kide izan zen. Jarduera horregatik jasotako dirua 1951an Musikako goi-mailako Errege Kontserbatorioan, Enrique Masso, Francisco Cales Otero eta Julio Gomezekin (Harmonia, kontrapuntua eta fuga, eta Konposizioa hurrenez hurren) ikasketak ordaintzeko erabili zuen.

1957an Musika Banda Zuzendarien Espainiako Gorputzeko oposaketak atera zituen baina ez zuen inoiz kargu honetan lan egin. Garai honetan musika ikasten jarraitzen zuen eta gauez saxofoia jotzen zuen Madrileko modako aretoetan. 1958an Kontrapunto eta Fugako Lehen Saria irabazi zuen; hurrengo urtean Carmen del Río beka eskuratu zuen; 1960an Konposizioa bukatu zuen eta Iruñeko "Vianako Printzea instituzioarentzat, XVIII. Mendeko nafar konpositoreei buruzko musikologia lanak idatzi zituen. 1961ean Fernando Remacha maisuaren eskutik, kontseiluak eta musika garaikidearen estetika joerak jaso zituen. 1962an oposaketa bati esker, ikasketa artistikoak atzerrian egiteko Nafarroako Foru Aldundiaren beka bat. Ondoren zenbait hobekuntza ikastaro egin zituen: Parisen (musika-serialeko praktikak bere kabuz egin zituen), Erroman (Santa Zezilia Musika Akademian Konposizioko Nazioarteko Ikastaroa egin zuen Godofredo Petrassirekin), Venezian (Giorgio Federico Chedinirekin Konposizioa) eta 1964ean Darmstadten (musika garaikidea Henri Pousseur, Milton Babbit eta Ligeti konpositoreen zuzendaritzapean). 1965 eta 1967 artean Madrileko goi-mailako Musika Kontserbatorioan praktiketako irakaslea izan zen. 1966an musikari lotutako linguistikaren inguruko ikerketa lana egin zuen Ikerketa Zientifikoen Goi Kontseiluarentzat (CSIC).

Ikerketa hauen emaitza da Oratorio panlingüístico lan bokala, hizkuntza batek eskeintzen dituen aukera fonetiko-musikalak biltzen dituen hamarkada oso bateko lana. Lana hiru sailetan dago banatua: gaztelaniadunentzat euskeran ikasgaia; euskal hiztunentzat gazteleraren ikasgaia eta fonema eta etimologiaren arteko oposaketa. Euskal hizkuntzaren indarrak ikerketa honetan sakontzera bultzatu zuen Gonzalez Garcia de Acilu, autorearen hitzetan "un instrumento de percusión en sí mismo". Lan honen ondoren Arrano Beltza (1975-76) konposatu zuen bakarlari-ahots laukote eta ganbera-abesbatza mistorako: Joxean Artzeren "Hartzabal" Laino guzien azpitik (crónica histórica de Navarra) euskarazko testuan oinarritutako lana. Luis Morondok zuzendutako Iruñako Ganbara Abesbatza Taldeak interpretatu zuen; Izena ur izana (1979) balleta, ganberako abesbatza-misto edo koru haundirako eta Oi Lur, Hain Hur (1988-89) bi ganbera abesbatza-misto eta orkestrarako. 1968an Madrileko Menéndez Pelayo institutuko ikasleei musika konposizioak azaldu eta aztertu zituen. Espainiako Konpositore Sinfonikoen Elkartearen (ACSE) (1974), kide sortzailea izan zen. Konpositore jarduera, Madrileko Musika Kontserbatorioko harmonia irakaslearekin eta Iruñeko XX. mendeko Konposizio Tekniken ikastaroekin uztartu zuen. Azken jarduera honetatik konpositore gazteez osaturiko Iruñeako Taldearekin hartu-emana sortu zen.

CRG 2003

Estiloari dagokionez, musikari atxikitako linguistikaren ikerketan espezializatu da, batez ere fonetikan, musika hispanikoan aurrekaririk gabe. Honek ez dio bere lan instrumentalei (ganbera-musika eta orkestra) balioa kentzen, non teknika eta bitartekari ezberdinekin esperimentatzen duen eta horrela lan bakoitza bestearen ezberdina egitea lortzen duen. Bere lana berezia da baita, Juan David Garcia Bacca filosofo nafarraren ideiekin erlazionatutako borondate humanista eta metafisikoa duelako eta orokorrean, esperimentatzeko formalismo hutsari ihes egiten diolako. 1998an Musikako Sari Nazionala eman zitzaion.

KSE 2008