Altubeko hegaletan jaiotzen da, Gorbeiako mendebaldeko adarrean. Bere goi-arroan Rekandi, Berganza eta uremari txikiagoko beste erreketako urak jasotzen ditu. Bizkaian sartzen da, Arbaitzatik (Biakaia) gertu, Bardaola (Araba) mendiaren parean, eta Orozko harana ureztatzen du. Azken zatian, Araba eta Bizkaia arteko muga egiten du, Aranguti (Araba) erreka hartzen du eta Aretan Nerbioi ibaiarekin bat egiten du.